Gwybodaeth Gyffredinol

Er mwyn eich helpu i ddod o hyd i'r wybodaeth sydd ei hangen arnoch yn gyflym, rhestrir ein taflenni cyffredinol eraill isod.

Os na allwch ddod o hyd i'r wybodaeth sydd ei hangen arnoch, cysylltwch â'n Rheolwr Gwybodaeth i Gleifion: e-bostiwch pwy fydd yn ceisio cynorthwyo.

Cyllid / Arian
04/05/21
Cyllid / Arian: Os yw canser yn effeithio arnoch chi, efallai eich bod eisoes yn gwybod sut mae hyn yn effeithio ar eich cyllid. Efallai y bydd gennych chi neu aelod o'r teulu gostau ychwanegol fel costau teithio oherwydd bod yn rhaid i chi fynd i lawer o apwyntiadau ysbyty. Efallai y bydd yn rhaid i chi fwyta bwydydd drutach i gadw'n iach wrth gael triniaeth a phrynu dillad newydd oherwydd bod eich pwysau wedi newid. Efallai y bydd angen i chi gadw'r gwres ymlaen am gyfnod hirach neu ar dymheredd uwch oherwydd effeithiau triniaeth.

Cynghorion Cadarn ar gyfer Cysgu
04/05/21
Cynghorion Cadarn ar gyfer Cysgu: Mae problemau cysgu yn gyffredin iawn ac yn effeithio ar bobl mewn ffyrdd gwahanol. Nid oes nifer “cywir” o oriau o gwsg gan y bydd hyn yn amrywio rhwng pobl ac ar draws y rhychwant oes.

Dicter
05/05/21
Dicter: Yn aml pan fyddwn ni’n teimlo’n ddig neu’n grac, y prif beth y byddwn ni’n ymwybodol ohono yw ein hwyl flin. Gall y teimladau hyn amrywio o fod ychydig yn flin i gynddaredd a gwylltineb mawr. Mae dicter hefyd yn effeithio ar ein meddwl a sut fyddwn ni’n ymddwyn. Gall dicter gael effeithiau corfforol fel cynyddu cyfradd curiad ein calon, ein hanadlu, a’n pwysedd gwaed gan fod ein corff yn barod i frwydro neu ffoi.

Gofalwyr
04/05/21
Gofalwyr: Eich adnabod eich hun fel gofalwr ydy’r cam cyntaf, a gall dilyn y camau hyn eich rhoi chi ar ben ffordd i gael y gefnogaeth a'r wybodaeth sydd eu hangen arnoch.

Iselder Ysbryd a Hwyl Isel
04/05/21
Iselder Ysbryd a Hwyl Isel: Mae iselder ysbryd yn broblem gyffredin iawn a bydd llawer o bobl yn teimlo’n isel neu’n ddiflas ar brydiau. Pan fyddwch chi’n ymdopi ag effaith eich canser yn eich bywyd, gall effeithio ar bopeth - sut rydych chi’n teimlo amdanoch chi’n hun, eich bywyd, eich dyfodol a gall herio eich gallu i ymdopi â phroblemau bob dydd.

Problemau'r Cof
05/05/21
Problemau'r Cof: Mae’r cof yn swyddogaeth bwysig yr ymennydd sy’n ein galluogi i fyw ein bywydau o ddydd i ddydd. Mae’n rhaid i gof gael ei ddysgu ac yna’i storio yn y lle iawn er mwyn i ni allu dod o hyd iddo eto.