Cleifion mewnol

Os dewch â'ch ffôn symudol gyda chi, cadwch ef yn dawel neu dirgrynu er cysur cleifion a staff eraill.

Ychydig o le storio sydd ar y wardiau. Gallwch ein helpu trwy ofyn i berthynas neu ffrind fynd â'ch cês dillad a'r dillad na fydd eu hangen arnoch nes i chi fynd adref.
Os ydych chi'n dod â PC llechen, I-pad, e-ddarllenydd ac ati sy'n gofyn am godi tâl, RHAID gwirio'r diogelwch gwefrydd cyn ei ddefnyddio ar y safle; rydym yn argymell eich bod yn dod â'r ddyfais ymlaen llaw fel y gallwch ei defnyddio.

Rhowch wybod i'r staff wrth dderbyn bod gennych ddyfais / gwefrydd a byddant yn trefnu iddi gael ei harchwilio gan Ystadau.

Byddwch angen yr eitemau canlynol yn ystod eich cyfnod yn yr ysbyty:

• Deunyddiau ymolchi, tyweli, taclau siafio neu rasel drydan, 'wet wipes'
• Dillad cyfforddus i'w gwisgo yn ystod y dydd - Mae cleifion yn cael eu hannog i wisgo eu dillad arferol yn ystod y dydd. Dylai pobl sy'n cael radiotherapi ddilyn y cyngor ar ddillad yn ein llyfryn o'r enw Radiotherapi, sydd ar gael gan eu nyrs neu radiograffydd.
• Dillad nos, gŵn llofft a sliperi
• Llyfrau, cylchgronau, neu ddeunyddiau ysgrifennu llythyrau
• Arian ar gyfer stampiau, papurau newydd a losin
• Clustffonau ar gyfer y teledu sydd wrth y gwely 
• Unrhyw eitemau arbennig eraill rydych chi'n eu defnyddio, fel teclynnau clyw, sbectol neu lensys cyffwrdd, ffon gerdded, ac yn y blaen. Rhowch wybod i ni os oes angen i chi ddod â'ch cadair olwyn   eich hun.
• Unrhyw feddyginiaethau rydych chi'n eu cymryd
• Sudd, ffrwyth, bisgedi neu snaciau eraill
• Llyfr pensiwn neu wybodaeth ar fudd-daliadau eraill yr Adran Nawdd Cymdeithasol (os ydych chi’n disgwyl bod yn yr ysbyty am fwy na 6 wythnos)

Peidiwch â dod ag alcohol, sigaréts, neu lawer o arian neu bethau gwerthfawr eraill gyda chi.  Ni fydd Ymddiriedolaeth GIG Felindre yn derbyn cyfrifoldeb dros golli neu ddifrodi eiddo personol o unrhyw fath sydd ddim yn cael ei roi i staff i’w gadw’n ddiogel a hyd yn oed wedyn, dim ond pethau fydd yn werth hyd at £300 fydd yn cael eu cadw. 

Os byddwch yn dod ag unrhyw offer trydanol neu sain, gwiriwch gyda Phrif Nyrs y Ward cyn eu defnyddio gan fod posibilrwydd y byddai angen iddynt gael prawf diogelwch.

Mae cleifion yn cael eu hannog i wisgo eu dillad arferol yn ystod y dydd. Dylai pobl sy'n cael radiotherapi ddilyn y cyngor ar ddillad yn ein llyfryn o'r enw Radiotherapi, sydd ar gael gan eu nyrs neu radiograffydd.

Nid oes peiriant arian parod ar gael ar y safle. Mae'r peiriannau / banciau arian a gosaf ar gael ym mhentref yr Eglwys Newydd (tua 10-15 munud i ffwrdd i gerdded).

Mae'r prif fwyty yn gallu cymryd taliadau cerdyn am fwyd a lluniaeth ysgafn.

Yn anffodus, nid ydym yn caniatáu blodau.

Fodd bynnag, o dan amgylchiadau eithriadol dylid cysylltu â'r rheolwr ward/uned a'r tîm atal a rheoli heintiau ymlaen llaw.

Mae gennym ystafell fwyta sy’n gweini amrywiaeth o brydau a diodydd poeth ac oer. Mae hefyd peiriannau gwerthu y tu allan i’r ystafell fwyta.

Mae Canolfan Ganser Felindre’n ysbyty dim ysmygu. Ni chaniateir ysmygu yn unrhyw ran o’r adeiladau neu’r tiroedd. Diolch am eich cydweithrediad.

Rydym yn annog cleifion i fwyta prydau bwyd wrth y bwrdd bwyta. Bydd staff arlwyo yn dod â throli gwasanaeth Croesawydd i'r bwrdd bwyta neu wrth erchwyn eich gwely ar bob amser bwyd. Bydd dewis o brydau bwyd neu frechdanau poeth ac oer. Byddwch yn gallu gwneud eich dewis o'r prydau bwyd a fydd yn cael eu harddangos o'ch blaen. Gallwch chi gael cymaint neu gyn lleied ag y dymunwch. Dywedwch wrth arlwywr y ward beth rydych chi ei eisiau. Os oes gennych ofyniad dietegol arbennig, rhowch wybod i arlwywr ward neu nyrs cyn gynted â phosibl.