Mae ceisiadau ar gyfer Gwobrau GIG Cymru 2026 bellach ar agor
20 Mai 2026
Mae Gwobrau GIG Cymru yn ôl, yn dathlu rhagoriaeth wrth ysgogi gwelliannau a thrawsnewid gwasanaethau ledled Cymru.
Bellach yn mynd i mewn i'w ddeunawfed flwyddyn, mae'r gwobrau, a gynhelir gan Berfformiad a Gwella GIG Cymru, yn parhau i arddangos timau sy'n ysgogi gwelliannau mewn ansawdd, diogelwch a pherfformiad i drawsnewid gwasanaethau, profiadau a chanlyniadau i bobl yng Nghymru.
Pam cyflwyno cais?
Gall eich syniadau ar gyfer newid wneud gwahaniaeth go iawn i'r bobl yn eich gofal, eich sefydliad a'r system iechyd a gofal yn ei chyfanrwydd. Os ydych chi neu'ch tîm wedi arwain prosiectau gwella arloesol neu wedi dangos perfformiad o ansawdd uchel yn gyson, yna rydyn ni am glywed gennych chi.
Drwy gymryd rhan yn y gwobrau, gallwch wneud y canlynol:
- rhannu eich llwyddiant,
- codi proffil eich gwaith gwella ansawdd,
- lledaenu eich dysgu a'ch gwelliannau,
- bod yn rhan o gymuned o ddysgu a gwella ledled Cymru.
Yn newydd ar gyfer 2026
Am y tro cyntaf erioed, gall pob cydweithiwr ar draws GIG Cymru gymryd rhan.
Gofynnir i dimau sydd wedi cyrraedd y rhestr fer ddarparu poster yn arddangos eu prosiect, a gwahoddir cydweithwyr o bob cwr o GIG Cymru i bleidleisio dros enillwyr y categori.
Sut i gyflwyno cais?
Ewch i gwobraugig.cymru i weld y Canllaw Mynediad, gwybodaeth am y categori a'r ddolen i ymgeisio drwy'r platfform gwobrau ar-lein.
Peidiwch â cholli'r cyfle hwn. Mae ceisiadau'n cau am 5pm ar ddydd Llun 15 Mehefin. Bydd y rhai sydd wedi cyrraedd y rownd derfynol yn cael eu cyhoeddi ym mis Gorffennaf.
Bydd pob tîm sydd ar y rhestr fer yn cael eu gwahodd i seremoni wobrwyo gyda'r nos yng Nghaerdydd ym mis Tachwedd, lle bydd yr enillwyr yn cael eu cyhoeddi. Darperir rhagor o fanylion am y seremoni yn fuan.