Galwad am luniau: gobaith a gwella ym myd natur

Mae'n braf gennym gyhoeddi galwad agored i staff, cleifion neu ofalwyr gyflwyno eu lluniau ar gyfer yr arddangosfa gymunedol gyntaf yng Nghanolfan Ganser Felindre.

Thema: Blwyddyn newydd, dechreuadau newydd; gobaith a gwella ym myd natur.

Trwy'r lens, rydyn ni'n ceisio tynnu sylw at rinweddau iachusol natur, a chipio'r harddwch, y gwytnwch a'r tawelwch sydd i'w cael ym myd natur.

Rydyn ni'n gwahodd ffotograffwyr i gyflwyno lluniau sy'n dwyn i gof themâu gobaith, adfer a gwella – boed hynny trwy dawelwch y wawr, blodyn yn blodeuo, neu goedwig ddistaw.

Bydd detholiad o luniau'n cael eu harddangos mewn arddangosfa yng Nghanolfan Ganser Felindre yng ngwanwyn 2025.

Canllawiau:

Rydyn ni'n gwahodd cyflwyniadau gan staff, cleifion a gofalwyr yn ogystal â chymuned ehangach Felindre.
Mae croeso i bob lefel sgil a chamerâu.
Er mwyn bod yn hygyrch, rydyn ni'n croesawu lluniau sy'n cael eu tynnu ar ffôn clyfar ond oherwydd problemau wrth chwyddo lluniau, bydd rhai lluniau'n cael eu harddangos fel 'collage'.
Rhaid i'r lluniau fod yn wreiddiol ac wedi'u tynnu gan y ffotograffydd sy'n cyflwyno.

Sut i anfon eich llun:

Cyflwynwch hyd at dri llun o ansawdd uchel (o leiaf 300 dpi)
Dylai pob cyflwyniad gynnwys datganiad byr gan yr artist (dim mwy na 200 o eiriau) sy'n disgrifio sut mae'r llun yn adlewyrchu thema gobaith a gwella.
Dylech chi anfon pob cyflwyniad trwy e-bost at sally.thelwell@wales.nhs.uk gyda'r pwnc "Llun o obaith a gwella."

Meini prawf ar gyfer dethol lluniau: Bydd cyflwyniadau'n cael eu hystyried ar sail creadigrwydd, effaith emosiynol, a chysylltiad â thema gobaith a gwella. Bydd panel o guraduron a gweithwyr meddygol proffesiynol yn dewis lluniau i'w cynnwys yn yr arddangosfa.

Dyddiadau pwysig:

Dyddiad cau ar gyfer anfon lluniau: 31 Ionawr 2025
Agor yr arddangosfa: Gwanwyn 2025

Edrychwn ymlaen at weld eich lluniau!

Am fwy o wybodaeth, cysylltwch â:

Cydlynydd y Celfyddydau mewn Iechyd
Sally Thelwell
sally.thelwell@wales.nhs.uk