Mae thema eleni, 'Undeb Unigryw' , yn pwysleisio arwyddocâd gofal canser holistaidd, personol sy'n ymestyn y tu hwnt i driniaeth glinigol.
Mae’n amlygu rôl hanfodol cymorth emosiynol, llesiant meddyliol, ac adnoddau sydd wedi’u teilwra, wrth fynd i’r afael ag anghenion unigryw pob unigolyn, gan sicrhau bod gofal mor dosturiol ag y mae’n gynhwysfawr.
Siaradom ni ag amrywiaeth o adrannau yn Felindre, o therapi galwedigaethol i’r gwasanaeth seicoleg, i gael gwybod am yr amrywiaeth o ffyrdd maen nhw'n helpu cleifion y tu hwnt i driniaeth canser nodweddiadol. O helpu cleifion i adennill annibyniaeth i gynnig offer gwydnwch emosiynol, mae eu straeon yn datgelu’r ymroddiad a’r tosturi sydd wrth wraidd gofal canser cyfannol.
“Diolch am fy nhrin i fel person, nid cyflwr, pan arhosais i'n ddiweddar gyda chi. Roedd pawb mor gyfeillgar a chefnogol.” - Claf Felindre, Ebrill 2024
