Cyflwyno Cyfarwyddwr Gweithredol Dros Dro newydd Pobl a Datblygu Sefydliadol

10 Tachwedd 2025

Rydym wrth ein bodd yn croesawu Sarah Jenkins i rôl Cyfarwyddwr Gweithredol Dros Dro Pobl a Datblygu Sefydliadol yn Ymddiriedolaeth GIG Prifysgol Felindre.

Mae Sarah yn dod â chyfoeth o brofiad fel Cymrawd Siartredig Sefydliad Siartredig Personél a Datblygu (CIPD), Cyfarwyddwr Adnoddau Dynol profiadol, a chyfreithiwr cyflogaeth cymwys. Mae hi'n ymuno â ni o Fwrdd Iechyd Prifysgol Bae Abertawe, lle bu'n gwasanaethu fel Cyfarwyddwr y Gweithlu a Datblygu Sefydliadol. Mae ei gyrfa'n cwmpasu rolau arweinyddiaeth uwch AD ym Mwrdd Iechyd Prifysgol Hywel Dda, Pobl, a Gwalia, gan adlewyrchu ei hymrwymiad dwfn i bobl, diwylliant, a rhagoriaeth sefydliadol.

Edrychwn ymlaen at groesawu angerdd Sarah dros rymuso pobl, meithrin diwylliannau gweithle cynhwysol, a gyrru trawsnewid strategol y gweithlu. Bydd ei harweinyddiaeth yn allweddol wrth lunio dyfodol ein sefydliad a chefnogi ein hymrwymiad parhaus i ragoriaeth ym mhob gwasanaeth a ddarparwn.