Dr Richard Skone wedi'i benodi'n Ddirprwy Gyfarwyddwr Meddygol

Rydym wrth ein bodd yn cyhoeddi bod Dr Richard Skone wedi'i benodi'n Ddirprwy Gyfarwyddwr Meddygol yn Ymddiriedolaeth GIG Prifysgol Felindre.

Bydd Richard gyda ni ar secondiad o Fwrdd Iechyd Prifysgol Caerdydd a'r Fro (BIP) i gefnogi ein hagenda Ansawdd a Diogelwch Ymddiriedaeth a bydd yn helpu i gryfhau a thrawsnewid ein model clinigol ar gyfer gwasanaethau gwaed a chanser, mewn partneriaeth â BIP CV.

Bydd Richard yn cadw ei ddyletswyddau clinigol ac yn parhau i gefnogi Swyddfa'r Cyfarwyddwr Meddygol yn BIP CV lle mae ar hyn o bryd yn Ymgynghorydd mewn Meddygaeth Gofal Dwys Pediatrig ac Anesthesia. Mae hefyd wedi dal sawl swydd arweinyddiaeth uwch gan gynnwys Swyddog Cyfrifol, Cyfarwyddwr Meddygol Dros Dro, Dirprwy Gyfarwyddwr Meddygol a Gwarcheidwad Caldicott.

Bydd hyn yn datblygu ymhellach y berthynas waith agos a'r arweinyddiaeth rhwng Ymddiriedolaeth GIG Prifysgol Felindre a Bwrdd Iechyd Prifysgol Caerdydd a'r Fro.

Bydd swydd Richard yn cynnwys gweithio'n uniongyrchol gyda Dr Jacinta Abraham, Cyfarwyddwr Meddygol Gweithredol Ymddiriedolaeth GIG Prifysgol Felindre. Bydd hyn yn ein galluogi i ddarparu trosolwg mwy strategol o wasanaethau canser sy'n effeithio'n uniongyrchol ar lwybr cleifion canser a gwasanaethau oncoleg a gynhelir ar draws y ddau sefydliad a chefnogi gweithio rhanbarthol mwy cynhyrchiol.

"Rwy'n hyderus y bydd cyfoeth arbenigedd Richard mewn arweinyddiaeth weithredol a strategol yn cyfrannu'n sylweddol at ein llwyddiant a'n twf parhaus yn VUNHST. Ymunwch â mi i'w groesawu i'w rôl newydd."

- Dr Jacinta Abraham, Cyfarwyddwr Meddygol Gweithredol

Wrth siarad am ei rôl newydd, dywedodd Richard:

“Mae’r blynyddoedd nesaf yn amlwg yn gyfnod cyffrous i fod yn rhan o VUNHST ac rwy’n edrych ymlaen yn fawr at ymuno â’r tîm fel Dirprwy Gyfarwyddwr Meddygol. Dros y degawd diwethaf, rwyf wedi cael y fraint o weithio gyda gwahanol feysydd o fewn VUNHST. Rwy’n falch o ymuno’n ffurfiol â sefydliad mor uchel ei barch.”