DYDDIAD
Mae Ymddiriedolaeth GIG Prifysgol Felindre yn falch o gyhoeddi bod John Union wedi ei benodi'n Aelod Annibynnol (Cyllid) newydd.
Mae gan John gefndir uchel ei barch ym maes bancio corfforaethol gyda gyrfa hir ym Manc Barclays, lle bu'n gweithio mewn sawl uwch rôl gan gynnwys Pennaeth Cymru, Bancio Corfforaethol.
Ar hyn o bryd, mae ganddo rolau, gan gynnwys Cyfarwyddwr Anweithredol yng Nghymdeithas Adeiladu Abertawe, lle mae'n Ddirprwy Gadeirydd, ac mae wedi gwasanaethu fel Aelod Annibynnol (Cyllid) ym Mwrdd Iechyd Prifysgol Caerdydd a'r Fro am yr wyth mlynedd diwethaf.
Wrth sôn am y penodiad newydd, meddai John:
"Mae'n braf gen i ymuno ag Ymddiriedolaeth GIG Prifysgol Felindre, ac rwy'n edrych ymlaen at weithio gyda'r Bwrdd a cwrdd â'r staff ym mhob rhan o'r Ymddiriedolaeth dros yr wythnosau a misoedd nesaf. Rwy'n ddiolchgar am y cyfle hwn i wasanaethu fel Aelod Annibynnol Cyllid o'r Ymddiriedolaeth."
Mae Bwrdd yr Ymddiriedolaeth yn bodoli i oruchwylio'r system lywodraethu a rheoli, gan gynnwys rheoli risg. Mae hyn yn golygu bod y bwrdd yn gwneud penderfyniadau ynglŷn â'r ffordd mae pethau'n gweithredu a sut i gadw staff a chleifion yn ddiogel. Maent yn gwneud hynny trwy gyfarfod mewn llawer o wahanol grwpiau sy'n canolbwyntio ar feysydd gwahanol o waith yr ymddiriedolaeth. Gelwir y rhain yn 'bwyllgorau'.
Fel aelod annibynnol, rôl John fydd cyfrannu ei sgiliau a'i arbenigedd ar draws amrywiaeth eang o feysydd. Bydd ei brofiad helaeth ym meysydd llywodraethu ariannol ac arweinyddiaeth strategol yn dod â nifer o fanteision i Ymddiriedolaeth GIG Prifysgol Felindre.
Dechreuodd John yn ei rôl yr wythnos hon a bydd yn ymuno â'i gyfarfod cyntaf o Fwrdd yr Ymddiriedolaeth ddydd Iau 27 Tachwedd.
