Mae'n cymryd tîm i gynnal astudiaeth ymchwil gyda'r claf wrth wraidd popeth a wnawn.
Y tîm ymchwil
Mae'r tîm ymchwil yn cynnwys nifer o bobl wahanol, ac mae'n debyg y byddwch chi'n cwrdd ag aelodau'r tîm clinigol gan gynnwys:
- y clinigwr ymgynghorol
- cofrestryddion arbenigol
- nyrsys ymchwil
- radiograffwyr ymchwil
Gall y tîm hefyd gynnwys fferyllwyr, ffisegwyr meddygol, rheolwyr data a chydlynwyr treialon clinigol, er efallai na fyddwch chi'n cwrdd ag unrhyw un o'r bobl hyn.
Nyrsys
Yn ystod astudiaeth ymchwil neu dreial clinigol, mae'n debyg y byddwch chi'n cael y cyswllt mwyaf â'ch nyrs ymchwil. Eu rôl yw cydlynu eich gofal – mae hyn yn cynnwys trefnu ymchwiliadau a chymryd samplau gwaed. Mae nyrsys hefyd yn rhoi triniaethau cyffuriau.
Bydd y nyrs yn rhoi gwybodaeth i chi am yr ymchwil ac yn ateb unrhyw gwestiynau sydd gennych. Maen nhw yno i'ch cefnogi chi a'ch teulu.
Fe wnaethon ni recordio rhai fideos byr gyda rhai o'r bobl sy'n rhan o dîm treialon clinigol Felindre. Gwyliwch nhw i ddysgu mwy am bob rôl.