Clinical trials

Treialon clinigol

 

Mae’r daflen hon yn rhoi gwybodaeth am dreialon clinigol. Mae’n esbonio ystyr treialon clinigol ac yn trafod y manteision a’r anfanteision posibl a allai ddeillio o gymryd rhan mewn treial. Mae rhifau ffôn cyswllt ar gyfer yr Uned Treialon Clinigol i’w cael ar ddiwedd y daflen.

 

Mae gan Ymddiriedolaeth GIG Felindre gyfrifoldeb i gynnig i gleifion y driniaeth fwyaf effeithiol sydd ar gael ar hyn o bryd. Mae’r driniaeth hon fel arfer yn hysbys fel triniaeth safonol. Mae gennym rwymedigaeth hefyd i ddarpar gleifion i helpu i ddatblygu triniaethau newydd a gwell.

 

 

Pam mae treialon clinigol ar gael?

Mae datblygiadau ym maes triniaeth ganser wedi digwydd gan fod miloedd lawer o gleifion wedi cymryd rhan yn yr ymchwil. Gallwn ond barhau i wella triniaeth canser at y dyfodol os bydd cleifion yn cytuno i gymryd rhan mewn ymchwil heddiw.

 

 

Beth yw treial clinigol?

Mae angen profi y tu hwnt i bob amheuaeth fod triniaethau newydd yn effeithiol. Mae treial clinigol yn ffordd wyddonol o astudio triniaethau newydd neu ffyrdd newydd o roi triniaethau sy’n bodoli eisoes.

Mae treial clinigol yn un o’r camau olaf mewn proses ymchwil canser hir a gofalus. Caiff astudiaethau eu cynnal gyda chleifion canser i ganfod p’un a yw ffyrdd newydd o atal, o roi diagnosis ac o drin canser yn ddiogel ac yn effeithiol.

 

Mae Canolfan Ganser Felindre yn ganolfan flaenllaw ar gyfer treialon clinigol. Mae ein Huned Treialon Clinigol wedi cynnal dros 100 o dreialon clinigol cenedlaethol a rhyngwladol. Caiff yr holl dreialon eu cymeradwyo gan Bwyllgor Moeseg Ymchwil Lleol. Mae’r pwyllgor hwn yn cynnwys meddygon, gweithwyr meddygol proffesiynol a phobl o gefndiroedd gwahanol. Maent yn edrych ar bwysigrwydd a doethineb pob treial i amddiffyn cleifion rhag treialon anfoesol.

 

Mae llawer o dreialon yn cymharu triniaeth newydd â’r driniaeth fwyaf effeithiol sydd ar gael ar y pryd. Mewn treial, mae hyn yn golygu y bydd rhai cleifion yn cael triniaethau newydd a bydd rhai’n cael y triniaethau safonol. Dylai cleifion sy’n cael y triniaethau safonol gofio bod eu triniaeth gystal â’r driniaeth y byddent yn ei chael pe na baent mewn treial clinigol.

 

 

Beth mae’n golygu i mi?

Mae i bob treial feini prawf cymhwyster penodol iawn. Mae’n bosibl y gofynnir i chi ystyried cymryd rhan mewn treial clinigol os oes un sy’n addas ar gyfer eich diagnosis a’ch triniaeth. Bydd y nyrs ymchwil yn esbonio hyn i chi.

 

 

Mae cymryd rhan mewn treial clinigol yn gwbl wirfoddol. Byddwn yn rhoi gwybodaeth fanwl i chi am y treial. Gallwch ofyn cwestiynau a thrafod y treial gyda’ch teulu cyn i chi benderfynu a fyddech am gymryd rhan.

 

Ni fydd eich penderfyniad yn effeithio ar safon y gofal y byddwch yn ei gael. Os nad ydych am gymryd rhan, byddwch yn parhau i gael y safon uchaf o ofal a’r driniaeth fwyaf priodol sydd ar gael ar y pryd.

 

 

Beth yw’r manteision sy’n gysylltiedig â chymryd rhan?

• Byddwch yn helpu i wella triniaethau canser ar gyfer darpar gleifion.
• Gallwch gael mwy o archwiliadau, profion neu sganiau na’r arfer ac mae hyn yn gysur i rai pobl.

 

 

Beth yw’r anfanteision sy’n gysylltiedig â chymryd rhan?

• Gallai fod angen i chi ymweld â Felindre yn amlach neu mae’n bosibl y gofynnir i chi gadw dyddiadur neu gofnod o’ch triniaeth.

 

 

Rhagor o wybodaeth

Os hoffech ragor o wybodaeth am dreialon clinigol, gofynnwch i’ch meddyg yn yr ysbyty neu cysylltwch â’r staff ymchwil perthnasol ar y dudalen nesaf.

 

 

 

 

 

Rhifau cyswllt yr Uned Treialon Clinigol

 

Canolfan Ganser Felindre                           029 2061 5888

 

Rheolwr yr Uned: Jane Darmanin                         Est. 6110

Gweinyddydd yr Uned: Cindy Langford                 Est. 6222

Cynorthwy-ydd Ymchwil: Jamie Morgan               Galwr 218

Nyrs Cyswllt Ymchwil: Rhianydd Jones                 Galwr 197

                                 

Tîm Canser y Fron (Galwr 225)

Arweinydd Ymchwil: Clare Boobier                       Est. 6986

Nyrs Ymchwil: Karen Davies a Sarah Fry             Est. 6962

Gweinyddydd: Hana Wilbraham                           Est. 6479

 

Tîm Wroleg / Melanoma (Galwr 152)

Arweinydd Ymchwil: Clare Boobier                        Est. 6986

Nyrs Ymchwil: Joanne Preece a Sarah Fry           Est. 6311

Gweinyddydd: Lucy Wilbraham                             Est. 6312

 

Tîm y Colon a’r Rhefr / Gastroberfedd Uchaf (Galwr 131)

Arweinydd Ymchwil: Amanda Jackson                  Est. 6550

Nyrs Ymchwil: Kathy Bishop a Deborah Jones      Est. 2285

Gweinyddydd: Angela Kitto                                   Est. 2286

 

Tîm yr Ysgyfaint / Lymffoma (Galwr 105)

Arweinydd Ymchwil: Amanda Jackson                  Est. 6550

Nyrs Ymchwil: Nikki Coates                                  Est. 2298

Gweinyddydd: Caroline Vitalo                               Est. 6551

 

Tîm Gynaecoleg (Galwr 166)

Arweinydd Ymchwil: Amanda Jackson                  Est. 6550

Gweinyddydd: Caroline Vitalo                               Est. 6551

 

Adolygwyd Mawrth 2010