Cais Cynllunio Amlinellol ar gyfer Canolfan Ganser Velindre newydd wedi'i gymeradwyo gan Gyngor Caerdydd

Mae Pwyllgor Cynllunio Cyngor Sir Caerdydd wedi cymeradwyo cais cynllunio amlinellol Ymddiriedolaeth GIG Velindre ar gyfer Canolfan Ganser Velindre newydd.

Yn gynharach y prynhawn yma (dydd Mercher, Rhagfyr 13eg) cyfarfu Pwyllgor Cynllunio Cyngor Sir Caerdydd i ystyried cais cynllunio amlinellol Ymddiriedolaeth GIG Velindre i adeiladu Canolfan Ganser newydd yn yr Eglwys Newydd, Caerdydd.

Dywedodd Steve Ham, Prif Weithredwr Ymddiriedolaeth GIG Velindre: “Mae cymeradwyo ein cais cynllunio amlinellol yn garreg filltir arwyddocaol i’r boblogaeth rydym yn ei gwasanaethu ledled De Ddwyrain Cymru.

“Er ei fod wedi gwasanaethu’n dda i ni a’n cleifion am fwy na 60 mlynedd; nid yw ein Canolfan Ganser bresennol bellach yn addas at y diben. Mae angen triniaeth canser a'n gofal ar fwy a mwy o bobl ledled De Ddwyrain Cymru. Oherwydd y cynnydd parhaus hwnnw yn y galw ar ein gwasanaethau, rhaid inni wneud pethau'n wahanol.

“Wrth i ni symud i mewn i'r cam nesaf hwn, rydyn ni'n edrych ymlaen at barhau i weithio gyda'n cleifion a'n cymuned leol i sicrhau y gall Canolfan Ganser Velindre newydd a'i lleoliad fod o fudd i bawb.”