Canolfan Gwybodaeth

Mae ein canolfan gwybodaeth yn agored i bawb

Mae ein canolfan gwybodaeth wedi ei lleoli ger y brif fynedfa, ac mae’n cynnig amrywiaeth o wybodaeth a chanllawiau cymorth am ganser. Rydym yn darparu mynediad i'r rhyngrwyd trwy gyfrifiadur pwrpasol er defnydd cleifion / ymwelwyr. Mae gwasanaeth ffôn rhad ac am ddim yn gysylltiedig â’r rhan fwyaf o linellau cymorth canser.  Mae cadeiriau yno lle gallwch chi eistedd a darllen neu gallwch fynd â gwybodaeth i ffwrdd i’w darllen yn nes ymlaen.  Rydych yn rhydd i dreulio cymaint o amser ag y dymunwch yn y ganolfan. Mae ein ‘bagiau gwybodaeth i gleifion’ hefyd ar gael o’r man yma.  Mae'r bagiau yn cynnwys gwybodaeth hanfodol ar gyfer unrhyw un sydd â chanser.

Os oes angen unrhyw gymorth neu wybodaeth arnoch, mae ein Rheolwr Gwybodaeth i Gleifion ar gael o ddydd Llun i ddydd Gwener yn ystod oriau swyddfa.  Mae swyddfa’r rheolwr wedi ei lleoli ger y ganolfan wybodaeth.

Rydym yn falch o fod yn gweithio gyda nifer o sefydliadau allanol ac mae gennym dudalen calendr digwyddiadau sy'n rhoi manylion a dyddiadau o ddigwyddiadau sydd i ddod.

Mae ein canolfan yn darparu gwybodaeth am:

• fathau o ganser a thriniaethau
• grwpiau cymorth a gwasanaethau lleol
• gymorth emosiynol ac ymarferol
• fywyd ar ôl canser
• brofedigaeth
• gymorth i ofalwyr
• hybu iechyd

Mae gennym wybodaeth hefyd ar DVD, CD, casét, ac mewn Braille, yn Gymraeg ac mewn rhai ieithoedd eraill.