Mynd â fy Mhwmp Trwytho Elastomerig Symudol adref

Mynd â fy Mhwmp Trwytho Elastomerig Symudol adref:

Gwybodaeth a Rhestri Gwirio i Gleifion

Bydd fy mhwmp wedi'i gysylltu am:

24 awr
46 awr
4 diwrnod

Gwybodaeth gyffredinol

Nod y daflen hon ydy cefnogi cleifion sy'n mynd adref gyda phwmp elastomerig. Bydd y daflen yn cynnwys gwybodaeth ynghylch sut y gall cleifion fonitro'r pwmp gartref, a beth i'w wneud os ydych chi'n amau y gallai fod problem gyda'ch pwmp.

Beth yw pwmp elastomerig?

Pwmp cludadwy, sydd ddim yn defnyddio trydan ac y gallwch ei daflu, sydd yn cael ei ddefnyddio i roi cemotherapi ydy pwmp elastomerig. Mae gan y pwmp gragen allanol caled, sy'n cynnwys balŵn sy'n dal eich cemotherapi. Mae'r pwmp wedi'i gysylltu â'ch llinell PICC/PORT, a bydd y cemotherapi yn trwytho'n araf dros yr amser trwytho sydd yn cael ei argymell i chi, sydd yn cael ei nodi ar du blaen y llyfryn.

Byw gyda'ch pwmp elastomerig

Bydd eich pwmp yn cael ei gario mewn bag ysgwydd a fydd yn cael ei roi i chi gan eich nyrs cemotherapi. Mae'n bwysig bod y bag yn cael ei gario ar yr un uchder â'ch llinell ganolog, a bod y pwmp yn aros yn y bag. Gellir ailddefnyddio’r bagiau, felly dewch â nhw gyda chi ar bob ymweliad.

Er y gallwch barhau fel yr arfer, dylech geisio osgoi gwneud y canlynol:

Unrhyw ymarfer corff neu symudiadau egnïol
Cael eich pwmp ac/neu eich llinell PICC/PORT yn wlyb
Gwneud eich pwmp yn agored i wres neu oerfel eithafol

Fy mhwmp yn fanwl

1. Mae'r tiwbiau'n gwrthsefyll plygiadau, ac yn cario'r feddyginiaeth o'r ddyfais i'ch llinell PICC/PORT.

2. Mae Caead y Pwynt Llenwi yn amddiffyn y pwmp.

3. Mae Llinellau Cynnydd yn dangos cynnydd y trwythiad i chi.

4. Mae Cyfyngydd Llif yn rheoli'r gyfradd trwytho.

Beth ddylai fy nyrs ei wneud

Cyn cysylltu'r pwmp, bydd y nyrs yn cwblhau gwiriad i sicrhau bod y pwmp yn gweithio.
Bydd y nyrs yn cysylltu'r pwmp â llinell PORT/PICC y claf, ac yn atodi’r hidlydd i frest y claf.
Yna, dylai'r nyrs sicrhau bod y pwmp yn cael ei roi mewn bag gyda sip â chlo.
Dylid dad-glampio clamp y llinell, a dylai dwy nyrs fod yn dyst i hyn. Yna, bydd y nyrsys yn llofnodi isod.
Bydd y nyrs yn gwneud yn siŵr eich bod chi’n gyfarwydd gyda’r gwiriadau sydd angen cael eu gwneud gartref, ac yn egluro unrhyw faterion sydd yn weddill. Mae manylion am y gwiriadau sydd angen cael eu gwneud gan gleifion yn cael eu rhestru isod.
Bydd y nyrs yn sicrhau bod gennych apwyntiad i gael eich pwmp wedi'i ddatgysylltu.

Nyrsys i lofnodi bod y clamp ar y Pwmp Trwytho Elastomerig wedi'i ddad-glampio

Nyrs 1af

2il nyrs

Beth ddylwn i ei wneud?

Rydym yn gofyn i'r claf wirio'r pwmp 3 gwaith y dydd. Rydym yn gofyn i'r claf chwilio am y pethau canlynol:

Gwneud yn siŵr nad ydy'r tiwbiau IV wedi'u clampio nac wedi'u plygu.
Gwirio’r balŵn. Dylai'r balŵn wagio'n araf dros sawl awr neu ddiwrnod.
Defnyddio’r llinellau cynnydd ar y botel drwytho i fonitro cynnydd dros amser.
Gwneud yn siŵr bod y clamp ar y llinell wedi agor.
Archwilio’r pwmp am ollyngiadau. Os ydy'r cyffur yn gollwng o'r pwmp, bydd cleifion yn sylwi bod eu rhwymyn, croen, neu eu dillad yn wlyb. Gall cleifion hefyd sylwi ar bowdr gwyn.
Llenwi dyddiadur y claf.

Dyddiadur y claf

Mae am faint o amser y byddwch wedi'ch cysylltu â'r pympiau yn amrywio, ac mae'n cael ei nodi ar y dudalen flaen. Defnyddiwch y dyddiadur ar gyfer nifer yr oriau neu'r dyddiau y byddwch wedi'ch cysylltu â'r pwmp.

Dyddiad ac amser	Tiwbiau IV wedi'u gwirio am blygiadau	Balŵn wedi'i wirio ac yn dadchwyddo	Rhif ar y llinellau cynnydd	Clamp wedi agor	Unrhyw arwyddion o ollyngiadau

Rhaid i chi gysylltu â'r llinell gymorth triniaeth yn achos y canlynol:

Unrhyw arwyddion o ollyngiad o'ch PICC/PORT neu'r pwmp.
Unrhyw boen neu anghysur yn safle’r PICC/PORT.
Unrhyw chwydd yn safle'r PICC/PORT
Unrhyw arwyddion gweladwy o ddifrod i'r pwmp/llinell
Os yw'n ymddangos nad yw'r pwmp yn trwytho.

Ffoniwch 02920 615888,

a gofynnwch am y llinell gymorth triniaeth