Uchelgeisiau Strategol Ymchwil a Datblygu Canser Felindre

Blaenoriaeth Strategol 1 Bydd yr Ymddiriedolaeth yn bwrw ymlaen â gweithredu ei Huchelgeisiau Ymchwil a Datblygu Canser

O Strategaeth Drosfwaol Uchelgeisiau Ymchwil a Datblygu Canser 2021-31, dywedasom y byddem yn gwneud y canlynol: 'Hyrwyddo triniaethau, ymyriadau a gofal newydd'.

Ac Rydym wedi: Cyflawni cerrig milltir allweddol ar gyfer Partneriaeth Ymchwil Canser Caerdydd (CCRP)

Yn y cyfnod hwn, rydym wedi gwneud y canlynol:

• Mae Penawdau'r Telerau wedi'u cymeradwyo gan y tri phartner. Mae'r ddogfen hon yn nodi sut y bydd y partneriaid yn cydweithio ar adeiladu CYCC ac yn dangos ymrwymiad y partneriaid i'r prosiect pwysig hwn. Mae Cytundeb Partneriaeth manwl, cytundebol yn cael ei ddatblygu ar hyn o bryd gyda chyfreithwyr PCGC.
• Rydym yn gweithio gyda chyflenwr allanol ar wefan CYCC a fydd ar gael yn fuan. Bydd hwn yn ddrws ffrynt rhithwir, gan gyflwyno ein gwaith mewn modd proffesiynol a chymhellol i'r cwmnïau fferyllol a gwyddorau bywyd eraill sy'n chwilio am bartneriaid i gynnal ymchwil canser, ac i ddenu cyllidwyr ymchwil canser.
• Mae Grŵp Ymchwil Darganfod a Throsi CYCC yn parhau i gefnogi grantiau ymchwil. Yn anffodus, roedd ei grant ymchwil mawr cyntaf, gan y GIG/academaidd i ddod yn Ganolfan Rhagoriaeth Ymchwil MRC sy'n canolbwyntio ar CMThU yn aflwyddiannus ond fe baratôdd y ffordd i sut y gall CYCC uno a chydlynu gweithgareddau ymchwil canser CU ar y cyd â phartneriaid yn BIPCF a YGPF. Mae'r grŵp bellach yn cefnogi cais arall, PRIMED, cais canser y prostad sy'n cael ei ysgrifennu mewn cydweithrediad â Siemens.
• Mae tîm CYCC wedi bod yn gwneud gwaith recriwtio rhagorol ar Monumental 6 a nhw yw'r recriwtiwr mwyaf yn y DU. Maent hefyd wedi cyrraedd y targed recriwtio cyn y dyddiad cau.
• Yn rhan o nod YGPF i feithrin capasiti, gallu a màs critigol o fewn y gweithlu ymchwil, dyfarnwyd Gwobr Hyfforddiant Ymchwil gan Ymchwil Iechyd a Gofal Cymru i Katie Gilmour, Nyrs Ymchwil CYCC, i'w chefnogi i astudio ar gyfer MRes Ymchwil Iechyd 2 flynedd ym Mhrifysgol Stirling.  Yn ogystal â hyn, mae Gabby Brutto, sydd hefyd yn Nyrs Ymchwil CYCC, wedi dechrau ei Modiwl Ymchwil MSc ym Mhrifysgol De Cymru.

Trosolwg o’r portffolio treialon:

Rydym hefyd wedi: Croesawu treialon brechlyn BioNTech cyffrous o fewn portffolio treialon CCRP

Bydd Lansio Brechlyn Canser Cymru yn dod o dan ymbarél CYCC. Mae'r cytundeb cydweithredu BioNTech – YIGC hwn yn £600K dros 2 flynedd ar gyfer amser arweinyddiaeth glinigol, nyrsys cyflawni, fferyllfa, radioleg, amser patholeg (BIPCF a CGF).

Trosolwg o bortffolio treialon BioNTech: